Subah sabare jagte hi mummy se munna bola
Aaj nahi jaunga school, marunga mai gola
T V par aaj aa raha hai, match bada albela
Karne hain Virat ko usme hundred apne solah
Aaj nahi jaunga school, marunga mai gola
Aayatakaar hai balla isme,gol-gol hai boll
Nabbe ansh ka kon banakar Rohit kare kamaal
Blackboard scoreboard me na hai jyada antar
Jodh ghatana isme hain aur isme saare number
Bat boll mangwa do mummy nahi chahiye jhola
Aaj nahi jaunga school, marunga mai gola
Na ban-na hai police inspector na ban-na hai teacher
Chauke chhakke jama- jamakar ban-na hai tendulkar
Cricket hi ab karm bana hai, cricket hi uddeshya
Cricket me hi rama huaa hai duniya ka har desh
Shiksha se bhi bhaari cricket ,jab isko hai tola
Aaj nahi jaunga school, marunga mai gola
